Mexíkóskar tortillur fylltar með hreindýrakjöti

Hráefni

• 240 g Pokka Hreindýrakjöt í sneiðum (1 pakki), þítt
• 6 tortillur, tilbúnar og án aukefna
• 1 stór laukur
• 1 lítil rauð paprika
• 1 lítil gul paprika
• 1 lítil græn paprika
• 1 stórt chili eða 2 lítil
• 2 hvítlauksrif
• 1 msk. saxað ferskt kóríander og smávegis í guacamole
• 1 tsk. malað cumin
• 1 msk. nýmalaður svartur pipar
• salt
• 6 msk. matarolía
• 2½ dl rifinn cheddarostur
• 120 g sýrður rjómi
• 5 dl niðurskorið salat
• 2 þroskuð avókadó í guacamole
• 2 tómatar í guacamole
• 2 vorlaukar í guacamole
• tortillaflögur (nachos), til að bera fram með

Aðferð

1. Guacamole: skerið avókadóin í tvennt, fjarlægið steinana og skafið aldinkjötið í matvinnsluvél. Bætið tómötunum, skornum í bita, smávegis af kóríander og smávegis af chili út í og maukið gróft. Hrærið smátt sneiddum vorlauknum saman við og saltið. Setjið lok yfir og geymið í ísskáp þar til það er borið fram.
2. Flysjið laukinn og saxið hann smátt. Skerið einn hring af grænu paprikunni og einn af þeirri rauðu til skrauts, skerið svo afganginn af paprikunum í þunna strimla og takið líka nokkra strimla frá til skrauts. Saxið afganginn af chili smátt og flysjið og pressið hvítlaukinn.
3. Hitið 4 msk. af olíunni á viðloðunarfrírri pönnu við meðalhita og steikið laukinn þar til hann er mjúkur en ekki brúnaður, í um 5 mínútur. Bætið paprikustrimlunum, hvítlauknum, chili og kóríander út í og steikið í 4 mínútur til viðbótar á meðan hrært er. Færið grænmetið í skál.
4. Losið hreindýrasneiðarnar í sundur, kryddið þær með svarta piparnum og cumin og skiptið þeim í tvo skammta. Setjið 1 msk. af olíu á sömu pönnu, hækkið hitann og bíðið þar til pannan er orðin mjög heit. Setjið fyrri skammtinn á pönnuna, kryddið með klípu af salti og steikið í 1–2 mínútur, bætið kjötinu svo út í grænmetið. Steikið seinni skammtinn á sama hátt í síðustu olíunni. Setjið kjötið og grænmetið aftur á pönnuna, slökkvið undir og blandið vel saman.
5. Hitið tortillurnar samkvæmt leiðbeiningum á umbúðunum. Setjið salat á miðja hverja tortillu, hlaðið kjötblöndunni ofan á og stráið cheddarosti yfir. Brjótið tortillurnar utan um fyllinguna og skreytið með paprikustrimlunum og -hringjunum. Berið fram með guacamole, sýrðum rjóma og tortillaflögum.